TRIVIA NOBENTA: ERASERHEADS

Kung ikaw ay Batang Nobenta, hindi puwedeng hindi mo kilala ang grupong Eraserheads (nakilala rin bilang E-Heads). Sila ang nagpasimula ng muling pagsikat ng Pinoy Alternative Rockband na bahagyang lumamlam noong dekada otsenta. 1989 noong mabuo ang grupo na kinabibilangan nina Ely Buendia, Marcus Adoro, BuddyZabala at Raimund Marasigan. Halos lahat ng awitin ng grupo ay sumikat. Naging matindi ang naging hatak at implowensiya nila sa publiko lalo na sa mga kabataan. Ilan sa mga pinakasumikat nilang kanta ay ang "Toyang", "Pare Ko", "Magasin", "Ang Huling El Bimbo", "Para Sa Masa" at napakarami pang iba. Lahat ng concert at gigs nila eh hindi mahulugang karayom sa dami ng taong nanonood. Isa rin ang E-Heads sa mga pinaka-epektibong product endorser sa telebisyon.

Marami ang nalungkot nang bahagyang mawala sa limelight ang banda. Nakumpirma na nagwatak na sila sa pag-alis ni Ely noong 2002.  Hanggang sa naisipan ng grupo na pagbigyan ang mga fans na humihiling na sila'y mag-reunite sila sa mga special concert noong 2008 na isang one-night only concert lang. Natuloy ito ngunit naging maikli ang concert dahil inatake si Ely sa puso sa gitna ng pagtatanghal. Ang sabi, dahil daw sa stress at pagdibdib ni Ely sa pagkamatay ng kanyang ina. 

Matapos maoperahan ni Ely, ang inakala ng marami na hindi na magkakaroon ng isa pang reunion concert ang E-Heads ay natuloy rin sa wakas. Nangyari 'yun noong March 7, 2009 sa MOA Grounds sa Pasay kung saan humigit kumulang 100,000 katao ang nanood.

Ang tindi ng karisma ng E-Heads hanggang ngayon. Hindi lang mga batang Nobenta ang nahumaling sa kanila kundi maging ang henerasyon ngayon.

TRIVIA NOBENTA: ANG MGA USONG PINOY EXPRESSION NOONG 90'S

Usong uso ngayon ang mga Pinoy expressions na "Push Mo 'yan!", "...'Pag may time!" at lalo na ang "Eh 'Di Wow!".

Pero noong Dekada '90, marami ring expressions ang nauso katulad ng "Ano ba yaaan?!" noong early 90's. Ginawa pa ngang title ng isang pelikula noong 1992 ang expression na ito. Naging bukambibig din noon ang mga salitang "Oveeer!" "Tsuk Tsak Tienes!" na maaaring nagsimula as gay lingo.

Naging bukambibig din ang salitang "Hataaaw!" na ginamit ding titulo ng pelikula na bida si Gary V. at Miss Ubiverse '93 Dayanara Torres.

Mga bandang mid-90's, nauso naman ang "OK ka lang???" Kasabay ng pagsikat ng noo'y teenager pa lang na si Jolina Magdangal ay sumikat na rin ang expression na "Chuvachuchu" noong 1996. At noong patapos na ang dekada, "You're so kaka..." naman ang biglang sumulpot sa malikhaing dila ng mga Pinoy.

Nawala man sa ngayon ang mga ganyang naging bulaklak ng dila noon ay napapalitan naman ito ng iba sa pagdating ng 2000's. Ang impluwensiya ng telebisyon at artista ang isa sa mga pinagmumulan nito. 

Ang Pinoy nga naman, kung anuano ang mga naiisip. Maaaring para sa iba ay nakakainis, pero nakakaaliw naman para sa mas marami. Ano ba yaaaan?!!!!

TRIVIA NOBENTA: PAGER (BEEPER)

Bago nauso ang SMS noong late 90's, sumikat muna ng husto ang paggamit ng device na Pager (kilala rin bilang Beeper) noong mga unang bahagi ng dekada (sa Pilipinas ay mga mid-90's na ito nag-boom). Kaiba sa texting sa cellphone na ikaw mismo ang magko-compose ng message, ang pagpapaabot ng mensahe sa gadget na ito ay sa pamamagitan ng telephone operator ng kumpanya kung saan ka nag-subscribe ng iyong pager (Dito sa Pilipinas ay kilala ang mga kumpanyang Pocketbell, Easycall, Jaspage, Powerpage atbp). Kung ikaw ay magpapaabot ng mensahe sa iyong kakilala ay tatawag ka sa telepono ng kumpanya kung saan nakasubscribe ang pager ng pagbibigyan mo ng mensahe. Kapag sinagot na ng telephone operator ang iyong tawag, ididikta mo ang iyong mensahe sa pagdadalhan nito. Bawal gumamit ng malalaswang salita sa pagpapadala ng message. Ang telephone operator na ang bahalang mag-forward ng message mo sa paging device ng taong pinadalhan mo. Medyo maabala lang dahil hahanap ka pa ng telepono para maibigay ang iyong message sa usto mong padalhan nito. Sa pagsulpot ng mga GSM Mobile Phones noong dekada ring iyon ay unti-unti nang nawala ang paggamit ng pager.

WELCOME TO BASTA DEKADA NOBENTA, HATAW!

Hello Everyone! If you miss the 1990's at hindi ka pa maka-move on sa paglipas ng dekadang 'yun, this is for you! Wala kang makikita dito kundi 1990's, 1990's at 1990's lamang! Kung naranasan mo ang masaya, makulay, bagamat marami ring pagsubok na dekada nobenta, you'll agree with me: THAT WAS THE BEST DECADE EVER!

Starting today, I will be posting some trivia, kung anong mga news noon, mga usong damit, mga hit songd etc. As I've said, this is all about the 1990's!

Enjoy!